Moti do të vazhdojë të jetë me reshje shiu dhe shtrëngata edhe gjatë pasdites së sotme dhe ditës së nesërme.
Sipas parashikimit nga Instituti i Gjeoshkencave, Energjisë, Ujit dhe Mjedisit temperaturat do të jenë më të ulëta se mesatarja e sezonit.
Parashikimi i motit:
Reshjet
Sot pasdite dhe nesër në mesditë pritet të ketë reshje të dobëta në të gjithë vendin, ndërsa në disa qarqe të jenë lokalisht deri mesatare (siç tregohet në tabelë, respektivisht për secilin qark). Gjatë pasditeve mund të ketë lokalisht edhe shtrëngata, kryesisht në terrenet kodrinore-malore dhe në zonat pranë tyre.
Temperaturat
Nesër temperaturat minimale dhe maksimale të ajrit pritet të arrijnë:
në bregdet: 17 / 30°C
në vendet e ulëta: 18 / 28°C
në vendet malore: 10 / 24 °C
Era
Sot pasdite dhe nesër era pritet të fryjë mesatare.
