Një lamtumirë emocionale e Andres Iniesta nga Barcelona u përplas me lot, ndërsa mbajti një fjalim në “Camp Nou”, pasi luajti ndeshjen e tij të fundit me skuadrën katalanase. Kampionët e La Liga-s e përfunduan sezonin e tyre me fitore 1-0 ndaj Real Sociedad, por kjo u eklipsua e gjitha nga fakti se Iniesta zyrtarizoi largimin nga barcelona të dielën mbrëma.
Mesfushori 34-vjeçar e uli perden e karrierës së tij të shkëlqyeshme te Barcelona në minutën e 81-të, kur u largua nga fusha nën duatrokitjet e zjarrta, pasi i dha dorën e kapitenit Lionel Messit.
Pas ndeshjes dhe momenteve tejet emocionale, 9 herë kampioni i La Liga-s dhe 4 herë fituesi i Ligës së Kampionëve, Iniesta, iu drejtua tifozëve.
“Sot është një ditë e vështirë, por kanë qenë 22 vite të mrekullueshme. Është krenari dhe kënaqësi për të mbrojtur dhe për të përfaqësuar këtë fanellë-simbol për mua, të skuadrës më të mirë në botë, – tha Iniesta, i cili bëri debutimin e tij me ekipin e parë katalanas në vitin 2002.
– Ju faleminderit tifozëve, për gjithë dashurinë e tyre, për gjithçka që më keni bërë të ndihem, sepse kam ardhur këtu si fëmijë dhe po largohem si burrë. Jam i kënaqur me të gjithë shokët e skuadrës sime, do t’ju mbaj në zemrën time përgjithmonë. Për të përfunduar, këtë javë më keni lënë pa fjalë. Rroftë Barça, rroftë Katalonja, rroftë Fuentealbilla (qyteti i tij i lindjes)”.
Mesfushori i Barcelonës, Ivan Rakitic, e falënderoi shokun e tij që po largohet, i cili thuhet se është duke u bashkuar me Vissel Kobe të “J.League”: “Është një kënaqësi e vërtetë t’i ndaj me të të gjithë ato momente. Me Andres kam fituar një mik për jetën, kam shumë dashuri për të gjithë familjen e tij, do të jetë e paharrueshme ajo që kam jetuar me të”.
