Ngjarja e rëndë që ndodhi ditën e djeshme në Kubë, ku një avion Boeing 737 u rrëzua gjatë fluturimit, ka tronditur gjithë opinionin publik.
Mediat ndërkombëtare bëjnë me dije se në bord ishin 104 persona dhe 9 ekuipazh, ndërkohë që kanë shpëtuar vetëm tre ferma, por edhe ato në gjendje kritike.
Avioni pësoi defekt pasi u ngrit nga aeroporti “Jose Marti” dhe u rrezua në një fushë pranë një shkolle në lagjen Santiago de las Vegas pak pas fluturimit.
Mbeturinat u shpërndanë përgjatë zonës dhe pjesët e zeza të avionit ishin të dukshme.
Pamjet tregojnë ekipet e zjarrfikësve të cilët mbërritën menjëherë në vendngjarje si edhe ambulancat dhe ekipet e mjekëve që përpiqeshin të shpëtonin të lënduarit. Teksa tymi vazhdon nga pjesët e avionit të shkatërruar.
Një video tronditëse tregon një viktimë të shtrirë larg nga vendi i ngjarjes, ndërsa një turmë e madhe e vullnetarëve dhe banorëve janë parë duke bërtitur dhe duke vrapuar ndërsa përpiqen të gjejnë të mbijetuarit dhe të tërheqin trupat nga rrënojat.
Mes atyre që vdiqën ishin pesë fëmijë, përfshirë edhe një fëmijë nën moshën dy vjeçare, njoftoi agjencia e lajmeve kubane Granma.
Vetëm katër vetë dolën gjalle, por njëri vdiq në spital dhe tre të tjerë, të cilët janë të gjitha gra, besohet të jenë ende në gjendje të rëndë.
Të mbijetuarit u dërguan në spitalin Calixto Garcia të Havanë.
“Ne dëgjuam një shpërthim dhe më pas pamë një re tymi të madhe”, tha për Reuters Gilberto Menendez, i cili drejton një restorant në afërsi të zonës së rrëzimit të avionit.
Carlos Alberto Martinez, drejtori i spitalit të Havana, Calixto Garcia, tha për Reuters se katër të lënduar nga aksidenti u sollën në spital.
Por, njëri kishte vdekur rrugës dhe tre gratë e tjera janë në gjendje të rëndë.
“Ajo është e gjallë, por ka pësuar shumë djegie dhe është e enjtur”, tha një i afërm i një prej të mbijetuarve në spital.
