Një 37-vjeçare nga fshati Tërbaç i Dibrës dhe foshnja e saj kanë shpëtuar për mrekulli pas ndërhyrjes së njësisë së helikopterëve, duke e transportuar gruan shtatzënë në gjendje të rënde drejt Tiranës.
Mjekët konfirmojnë se gjendja shëndetësore e nënës dhe fëmijës së porsalindur paraqitet e mirë dhe të dyja gëzojnë shëndet të plotë.
Ministrja e Shëndetësisë dhe Mbrojtjes Sociale, Ogerta Manastirliu, përmes një postimi në “Facebook” ka përgëzuar punën e ekipit të urgjencës mjekësore dhe ekipit të mjekëve të maternitetit “Mbretëresha Geraldinë”.
