Gazetari Basir Çollaku i ftuar në “360 Gradë” në Ora News, thotë se paratë e trafikut të drogës po investohen në ndërtimet, ndërsa shton se një i afërm i ministrit të Brendshëm, Xhafaj është zyrtar i rëndësishëm në Bashkinë e Tiranës ku jepet lejet e ndërtimit.
Çollaku: Ne dimë që zt.Xhafaj përveç peshës që ka në qeveri, ka edhe një detaj tjetër shumë interesant që një i afërm i tij është një zyrtar shumë i rëndësishëm në Bashkinë e Tiranës, aty ku burojnë lejet e ndërtimit. Këto para që qarkullojnë gjithë këto grupe, që kryeministri ka paralajmëruar se do të jenë 1 miliard në ndërtim, unë them se janë para të trafikut të drogës që rrotullohen rreth investimeve në ndërtim. A janë kulla, a janë qendra tregtare?
Se kemi edhe të arrestuar për trafik kokaine që janë aksioner në qendra tregtare në Tiranë. Kanë filluar investimet 50 katëshe që në themel kanë marrë siglën e faljes së taksave. Rama është gjetur në sikletin që Tahiri e ka hapur pusetën e përgjimeve.
