Nikki Bella e habitur iu është përgjigjur John Cenës, pas ky i fundi pranoi se dëshiron të martohet me të dhe të kenë fëmijë së bashku.
Rrëfimi i tij erdhi disa javë pasi ata u ndanë.
Yjet e WWE, të cilët kanë qenë në një lidhje prej 6 vitesh duhet të martoheshin më 5 maj, një vit pasi John iu ul në gjunjë në Wrestlemania 33 duke i propozuar Bellës për martesë.
“Unë jam pas fjalë. Kjo është çmenduri,”-tha Nikki për Extra, duke lënë të nënkuptohet se nuk është e gatshme të kthehet me John, pavarësisht lutjes së tij.
“Unë kam shpresë… Jam në një pikë në jetën time, ku më duket sikur kam humbur një pjesë timen dhe dua të gjej veten e të punoj mbi veten. Dua që John Cena dhe unë, të dy të jetojmë të lumtur përgjithmonë nëse jemi bashkë apo të ndarë.
Nuk dua që të kemi keqardhje e të themi ‘Unë e bëra këtë për ty’ ose ‘Ti e bërë këtë për mua’, ndaj mendoj që në një lidhje duhet të jetojmë momentin.”
Të hënën John ishte në një intervistë në Today ku ai foli rreth ndarjes, duke thënë se ishte Nikki që i dha fund.
“Ishte shumë e vështirë. Zemra ime ishte e thyer dhe kushdo që e ka përjetuar e di që shoqërohet me ndjenja shumë të këqija,”-tha ai, duke shtuar. “Unë ende e dua Nicole. Unë ende dua të martohem me të dhe ende dëshiroj të kemi një familje me Nicole.”
Cena gjithashtu u shpreh se nuk dëshrion që të jetë single dhe se është hidhëruar nga fundi i marrëdhënies së tij.
“Ka pasur shumë spekulime kohët e fundit për mua duke u më parë në publik dhe të gjithë mendojnë: ‘Oh, John Cena është duke shijuar jetën e single.’ Jo, duhej të martohesha dhe të isha në muaj mjalti gjatë këtyre dy javëve. Është hera e parë në 15 vjet që kam marrë një pushim,”-tha ai.
“Jam në shtëpi vetëm i rrethuar nga këto kujtime emocionalisht të forta dhe çdo ditë nga ora 6 deri në 9 dal nga shtëpia dhe flas me të huaj për bashkëveprimin shoqëror. Unë nuk dua asnjë tjetër, e dua Nicole. Unë nuk kam asnjë shpresë tjetër përveç se ndoshta një ditë ne mund të jemi sërish bashkë.”
