Një korriku i këtij viti do të shënojë fundin e tregtimit për ato qese plastike që janë në dëm të mjedisit. Qeset e reja do të jenë të markuara dhe të gjurmueshme, ndërsa subjektet që nuk zbatojnë vendimin do të përballen me penalitete.
Qeset plastike, të cilat pas përdorimit përfundojnë kudo në tokë e lumenj, janë një ndër ndotësit kryesor të mjedisit pasi kërkojnë një kohë të gjatë për tu shpërbërë.
Ndalimi i importit, prodhimit dhe tregtimit të tyre është hapi i rradhës që qeveria ndërrmer në mbrojtje të mjedisit.
Por kjo masë nuk është radikale, në treg do të mbeten ende qese plastike por vetëm ato që janë paqësore me mjedisin.
Prodhuesit dhe tregtarët që do të vijojnë të qarkullojnë qese plastike nën 35 mikron pas muajit korrik rrezikojnë gjobë nga 1 deri në 1.5 milionë lekë të rinj.
