Arben Myzeqari është një qytetar nga Fieri i cili ka blerë nga shteti shqiptar sipas ligjeve në fuqi një sipërfaqe prej 460 metrash katrorë. AI ju drejtua emisionit Ajsberg për problemin e tij. Në emisionin e kësaj të Hëne në Ajsberg u shpalos një e nga një e gjithë historia e këtij skandali të madh, ku fajtor është shteti.
Foto
Në këtë sipërfaqe nëpërmjet një leje provizore qe ne vitin 1994 me leje dhe shesh ndertimi nga bashkia Fier ai së bashku me familjarët e tij kanë ndërtuar një biznes i cili u sillte të ardhura. Në vitin 2011 sipas ligjit të legalizimeve ai ka paguar rreth 113 milion lekë për blerjen e këtij trualli në afërsi të lumit gjanica në lagjen 11 janari. Ai ka vepruar para noterit dhe ka marë këtë kontratë shitblerje për këtë pronë.
Foto
Së bashku me vlerën e truallit ai ka paguar dhe 74 milion lekë për taksa në llogari të bashkisë së Fierit. Sipas korespodencës mes zyrës së regjistrimit të pasurive dhe Aluiznit kjo pronë ka rezultuar shtetërore.
Pra kjo faturë treg
on se shteti ka pranuar 113 milion lekë duke i shitur këtë tokë zotit Arben Myzeqari ndërkohë që nuk ja regjistronte këtë sipërfaqe në Zyrën e rregjistrimit të Pasurive të Paluajtshme. Atëherë zoti Arben zhvilloi një gjyq ku fitoi në të dyja shkallët të drejtën e tij si pronar i ligjshëm i kësaj sipërfaqeje, pasi e kishte blerë me këtë kontratë shit blerjeje nga shteti shqiptar sipas ligjit për legalizimet.
Por edhe pas përfundimit të proceseve gjyqësore sërish prona e tij nuk rregjistrohej në hipotekën e Fierit. I gjendur mes dy zjarreve nga njëra anë një shtetas tjetër që pretendonte tokën e blerë prej tij dhe nga ana tjetër shteti që nuk përfundonte procedurën e tij edhe pse kishte marë 113 milion lekë nga ky qytetar. Në këto kushte ai iu drejtua dhe vetë kryeministrit Rama të cilin e njohu me problemin e tij. Kryeministri e mbajti shënim rastin, dhe u tërhoqi dhe vëmendjen zyrtarëve lokal.
Por ky veprim duket se irritoi zyrtarët vendor të ZRPP-së dhe të bashkisë së Fierit. Në shkurt 2017 në një aksion të papritur bashkia e Fierit ja shembi ndërtesën me arsyetimin e pastrimit të zonës përreth lumit gjanica.
Në procese gjyqësore dhe i përndjekur nga shteti dhe zyrtarët e tij, ai shprehet i dëshpëruar për situatën për të cilën po kalon. Në këto kushte ai kërkon vetëm drejtësi.
Arben Myzeqari kërkon të mari lekët që ia ka dhënë shtetit për këtë tokën këtu. Më pas ai mendon vetëm si të iki nga ky vend.
