Virusi Ebola është rikthyer përsëri, kësaj here në Republikën Demokratike të Kongos. Ndërsa është e pamundur të parashikohet saktësisht se ku dhe kur do të ndodhë “shpërthimi” tjetër i virusit, BBC njofton se tashmë dihet sesi mund të parandalohet.
Lajmi i “shpërthimit” të Ebolas në qytetin Bikoro në veriperëndim të Kongos, menjëherë sjell në mendje tmerrin e epidemisë që mori 11,000 jetë dhe infektoi 28,000 persona në Afrikën Perëndimore midis 2014-ës dhe 2016-ës.
Është një makth që askush nuk dëshiron ta përjetojë ose ta ketë.
Që nga 4 prilli në Republikën Domenikane të Kongos, ka pasur më shumë se 30 raste të mundshme, përfshirë 18 vdekje, edhe pse vetëm dy incidente deri më tani janë konfirmuar si Ebola.
Pra, pse vazhdon Ebola të ri kthehet dhe çfarë mund të bëhet për të parandaluar përsëritjen e tragjedisë në Afrikën Perëndimore?
Ebola mund të përhapet me shpejtësi, nëpërmjet kontaktit qoftë edhe në sasi të vogla të lëngjeve trupore me të atyre të infektuar. Simptomat e saj të hershme të gripit nuk janë gjithmonë të dukshme.
Nga ajo që ka ndodhur në Bikoro, një zonë ku njerëzit bashkëveprojnë, tregtojnë dhe udhëtojnë, dëshmon se është një ambient i përshtatshëm për përhapjen e sëmundjes.
Epidemia e Afrikës Perëndimore 2014-16 filloi në një fshat të vogël kufitar në Guinea, viktima e tij e parë që mendohet të jetë një djalë dyvjeçar i cili vdiq në dhjetor 2013-të.
Sidoqoftë, ne mund të ndalojmë shpërthimet epidemike dhe mund t’i mbrojmë më mirë njerëzit.
Një përgjigje e shpejtë dhe e bashkërenduar mund të sigurojë që sëmundja të ndalohet në fillesat, në mënyrë që sa më pak njerëz të preken dhe të vdesin. Për shembull, një shpërthim në DRC pothuajse një vit më parë u izolua shumë shpejt.
Ajo ishte në një zonë shumë të largët në rajonin verior të vendit, më larg nga kufijtë dhe ndoshta me më pak rrezik sesa shpërthimi i tanishëm.
Por, një përgjigje e menjëhershme ishte ende kritike dhe nënkuptonte se ndikimi ishte i kufizuar në katër vdekje dhe katër të mbijetuar.
Menjëherë në vendngjarje kanë shkuar ekipet e shkencëtarëve dhe punonjësve të shëndetësisë nga Kongo dhe Organizata Botërore e Shëndetësisë për të dhënë ndihmë dhe lokalizuar përhapjen e virusit.
