Në vendimin e Gjykatës së Krimeve të Rënda, e cila dha të dielën masën arrest shtëpie për ish-ministrin e Brendshëm është zbuluar se Tahiri ka shkuar në Korfuz me një gomone të marrë hua nga shtetasi Orges Liperi në Gusht të 2014.
“Tahiri ka shkuar në Korfuz me një gomone 12-metërshe, që doli se ishte në pronësi të sipërmarrësit të bimëve mjekësore Orges Liperi, i cili ja dha atë hua ministrit, ndërkohë që Artan Habilaj çoi fëmijët e Tahirit me makinën “Audi A8”. Kur gomonia pësoi difekt, Artan Habilaj u kthye në Korfuz, duke ia dhënë ‘Audin’ ministrit dhe duke u marrë me varkën e prishur”, thuhet ndër të tjera në vendimin e gjykatës.
Nga informacionet paraprake mësohet se shtetasi Orges Liperi është pronarë i kompanisë “Natyral Agjencia Trajtimit te Çajrave”, e cila merret me import eksport ,tregtim me shumice dhe pakice ,grumbullim, përpunim dhe kultivim e bimëve aromatiko – mjeksore, çajrave ,erëzave dhe derivateve te tyre. Gjithashtu, edhe me import eksport te makinerive te ndryshme ,te përpunimit te tyre, ambalazhimit etj.
Liperi është po ashtu edhe aksioner me 30% të aksioneve i “Albania Tranding Company”, e cila mbulon të njëjtin aktivitet si kompania e parë.
Nga të dhënat e QKR-së, vërehet se aktiviteti i të dy kompanive është i përqëndruar kryesisht në zonën e Durrësit.
Kliko këtu për të parë aktivitetin e “Agjencia Trajtimit te Çajrave” dhe “Albania Tranding Company”.
Politiko.al
