Sipas policisë ata janë tre vëllezër banues në Shkodër dhe sherri ndodhi në një servis makinash.
“”A. B. 26 vjeç, T. B. 24 vjeç, K. B. 19 vjeç, (vëllezër) banues në lagjen “Ahmet Haxhija”, Shkodër, pasi për motive të dobëta, në një servis automjetesh në Laç, Vau i Dejës, kanë plagosur me armë zjarri, pistoletë, shtetasin, E. S., i cili ndodhet në Spitalin Rajonal Shkodër, nën kujdesin e mjekëve. ” informon policia e Shkodres.
Ai ka qenë duke punuar në servisin e makinave që ka në pronësi me të vëllanë, pranë hidrocentralit të Vau Dejësit, kur persona ende të paidentifikuar e kanë qëlluar e më pas janë larguar nga vendi i ngjarjes.
Nga këqyrja e vendit të ngjarjes janë gjetur dhe sekuestruar në cilësinë e provës materiale 4 gëzhoja, model 54, kalibër 7.62 mm dhe 4 predha.
Materialet iu referuan Prokurorisë pranë Gjykatës së Shkallës së Parë Shkodër, për veprën penale “Vrasje me paramendim, e mbetur në tentativë, në bashkëpunim” e “Armëmbajtje pa leje”, parashikuar nga nenet 78-22 e 25 dhe 278 të Kodit Penal.
