Fati i brazilianit Nejmar është i lidhur me Realin e Madridit dhe kalimi i tij në Spanjë është vetëm çështje kohe. Babai i lojtarit bëri të ditur se u kishte bërë të ditur drejtuesve të PSG-së se djali i tij dëshiron të largohet. Tani edhe vetë Nejmar ka dalë hapur, duke u komunikuar shokëve të skuadrës se është duke u papjekur për kalimin te Reali.
“Le Parisien” bën me dije se Nejmar ka qenë për darkë ditën e mërkurë me disa shokët të ekipit, të cilëve ua ka bërë të ditur vendimin e tij. Braziliani ka qenë nën shoqërinë e Tiago Silvës, Verratit, Pastores dhe Tiago Motës. Dhe nuk ka mundur ta fshehë vullnetin e tij për t’u transferuar te Reali i Madridit gjatë verës. Darka ishte organizuar nga kapiteni Tiago Silva për të festuar bashkë Kupën e Francës.
