Nga Boldnews.al
Pas 5 vitesh në pushtet qeveria e Edi Ramës ka një rekord fantastik tek Ministria e Brendshme, praktikisht tek policia e shtetit, praktikisht tek trafiku i drogës tek bërja njësh e shtetit me malavitën.
Sigurisht që kjo që ka ndodhur në Shqipëri nuk ka qënë e mundur të arrihej nga “birbo” me famë botërore si Pablo Eskobar apo Al Kapone. Jemi në kushtet ku si gazetar ke frikë se nëse kritikon policinë e shtetit do të vritesh nga malavita dhe e anasjellta.
Por le të rikthehemi tek thelbi i çështjes tek propaganda e qeverisë që do bënte shtet për 300 ditë dhe do të rikthente Policinë në krye të detyrës. Këto fjalë thoshte Edi Rama kur përgatitej të merte pushtetin në vitin 2013. Për të përmbushur këtë premtim ai vendosi në krye të Ministrisë së Brendshme njeriun e tij të besuar Saimir Tahirin.
Akuzave të opozitës dhe medias se drejtorët e Policisë në qarqe dhe pika kyçe po i vendoste Emiliano Shullazi, një nga miqtë e Tahirit, Rama u përgjigjej se po bënte shtet. Në fakt ai Policinë e mori dhe e përdori si leckë në fushatën e tij për pagesat e energjisë, për ndërtimet pa leje, për pastrimin anës autostradave, por nuk e la të bëjë punën që i takon të luftojë krimin.
Sa më shumë rriteshin sulmet ndaj Tahirit aq më shumë e mbronte Rama. U arrit deri aty sapo dolën akuzat e para për lidhje me Habilajt Edi Rama nëpërmjet propagandës organizoi edhe një konferencë “ Antidroga një histori suksesi”. I ftuar special ishte ambasadori amerikan Donald Lu i cili përgëzoi Policinë për luftën ndaj drogës. Pjesmarrja e Donald Lu-së në të tillë konference të sajuar të kujtonte mitingjet e Gon Dukës në vitin 2005 kur të ftuar special nëpër koncerte kishte Bleona Qerretin ose Çiljetën. Deri këtu arriti Rama duke përdorur ambasadorin Lu si çingije.
Por Tahiri e kishte marë të tatëpjetën, jo prej sulmeve të opozitës, as prej medias por sepse ai tashmë ja kishte “shitur shpirtin shejtanit” dhe ishte kapur nga bandat. Saimi një jurist i ri dhe pa eksperiencë ishte kapur peng nga malavita dhe tashmë ai smund të bënte më asgjë për ti shpëtuar fatit të tij. Shpresat e tij ishin vetëm tek Edi Rama. Ai mendonte se mentori i tij do ta mbronte.
E njëjta fabul me dinamik të ndryshme është edhe kjo e vendosjes së Fatmir Xhafës në krye të Ministrisë së Brendshme. Rama vendosi të ndryshonte juristin e ri me një njeri me eksperiencë. Më të mirin që ai kishte në fushën legjislative, pikërisht kryetarin e Komisionit të Ligjeve.
Burime mediatike thonë se Xhafa nuk e pranoi këtë post pa u këshilluar më parë me amerikanët. Lidhjet e tij me amerikanët ishin pak më të hershme kur drejtonte komisionin e Reformës në Drejtësi. Xhafa dukej si njeriu i tyre, atij të cilit ata i kishin besuar reformën e tyre në drejtësi. Rama bëri të njëjtin truk si më parë kësaj here jo publikisht, ai e porositi mikun e tij Donald Lu ti përcillte Fatmir Xhafës mbështetjen e plotë të amerikanëve.
Me siguri Donald Lu këtë rol e kishte më të thjeshtë se ai i pari dhe dha garancitë e duhura. Por sikundër ka thënë dhe shoku Lenin lufta brenda llojit është e egër, kështu ndodhi dhe me pinjollët e së majtës në Shqipërinë e Edi Ramës.
Saimir Tahirit nuk i pëlqeu hapja e krahut që u detyrua të bëjë dhe ai u vendos në presion nga dyshja Rama Xhafa që të pranonte fatin e tij dhe të rrinte urtë ndryshe do përfundonte në burg. Një vit më pas kur Edi Rama u bind se ato çka mund të flasi Saimir Tahiri mund ta marin edhe atë vetë me vete, vendosi ti rikthehet ortakërisë me këtë të fundit. Nëpërmjet një sulmi të koordinuar edhe nga mediat e kontrrolluara nga Edi Rama filloi goditja e Fatmir Xhafës.
Fatmiri dhe Saimiri janë e njëjta histori, janë njerëz të përdorur nga Edi Rama, sa herë që i janë dashur. Edhe veprimet e tyre kanë shkuar në favor të udhëheqësit. Sigurisht që Edi Rama do të fitoj nga përplasja e tyre. Ai ka një mik që se lë kurrë në baltë sa herë që i duhet, Donal Lu. Ndërsa Rama miqtë e tij i ka shitur e i ka blerë, i ka fyer dhe i ka hedhur tej sa herë që i është dashur të shpëtojë prapanicën e vet. Nga ana tjetër diku në një qoshe të këtij amfiteatri të madh është Erion Veliaj alias Vilajet Qyrku që fërkon duart. Kur ti vijë radha atij, Saimiri me Fatmirin do jenë dobësuar shumë dhe sdihet se ku do jenë ndërsa miku prej amerike do ketë shkuar të drejtoj ndonje OJF në SHBA, në këto kushte ai mbase ja del tja fusi Ramës.
