Kapiteni i Interit Mauro Icardi shpreson ende shumë që të marrë një ftesë për në botërorin ‘Rusi 2018’, teksa përfshirja në listën paraprake prej 35 lojtarësh i ka rritur besimin.
Gjithsesi te Argjentina sulmuesi zikaltër nuk shihet me sy të mirë, ndaj Sampaoli mund të vendosë ta lërë jashtë Icardin, kur të përpilojë listën përfundimtare me 23 lojtarë.
Por edhe në rast se nuk ia del të shkojë në Rusi, me kombëtaren argjentinase, Icardi duket se e ka një plan B, për pushimet verore.
Këtë e zbulon kunata e tij, Zaira Nara, që thotë se së bashku me Icardin dhe Wandën do të nisin një tur ekskursioni në kontinentin e Afrikës, nëse kapiteni i Interit nuk shkon në Botëror.
