Një ngjarje e rëndë është shënuar mbrëmjen e djeshme në Peshkopi, ku një 24-vjeçar ka mbetur i plagosur me armë zjarri.
Uniformat blu kanë bërë të ditur se shtetasi me iniciale A.M është dërguar në spitalin e Peshkopisë në gjende të rëndë për jetën.
Ndërkohë që policia e Dibrës ka arritur të identifikojë autorin e ngjarjes dhe është në kërkim, por të dhënat e tij nuk janë bërë të ditura për shkak të hetimit.
Njoftimi i policisë
Më datë 11.05.2018, rreth orës 23:10, Policia e Dibrës ka marrë informacion se në qytetin e Peshkopisë, është plagosur me armë zjarri një shtetas me iniciale A.M, rreth 24 vjeç, banues në Peshkopi.
I dëmtuari është dërguar në spitalin e Peshkopisë në gjendje të rëndë.
Falë veprimeve të shpejta dhe profesionale të kryera nga ekspertë të policisë së Dibrës, është arritur të identifikohet aurori i dyshuar i kësaj ngjarje, ku për shkak të hetimit nuk bëjmë me dije të dhënat e tij.
Po krihet zona për kapjen e tij, si dhe po hetohet intensivisht nëse ka persona të tjerë të përfshirë në këtë ngjarje.
Grupi hetimor vijon hetimet për zbardhjen e shkaqeve të ngjarjes, si dhe po mblidhet dhe sekuestrohet çdo provë që mund të ketë lidhje me këtë ngjarje.
