Kreu i Partisë Demokratike, Lulzim Basha, ka urdhëruar nisjen e procesit zgjedhor brenda partisë. Urdhëri është shpërndarë sot, ndërsa në të përcaktohen procedurat për zgjedhjen e strukturave në bazë të PD-së, në nivel seksioni dhe grup seksioni, sipas statutit të ri.
Burime nga PD bëjnë të ditur se që në fillim të javës së ardhshme do të ngrihen grupet e punës në nivel qarku dhe degësh për të nisur procesin e zgjedhjeve për kryetare grup seksioni dhe seksionesh.
Afati për përmbylljen e këtij procesi është 45 ditë dhe zgjedhjet do të bëhen sipas parimit një anëtar një votë.
