Laetitia Casta shuan 40 qirinj. Lindur në Pont-Audemer, në Alta Normandia, më 11 maj 1978, ajo u bë modele në moshën 15 vjeçare, e zbuluar nga fotografi Frédéric Cresseaux në një plazh në Korsikë, ku ishte me pushime me familjen e saj.
Në moshën 16 vjeç, iu bashkua ekipit të Paul Marciano, një talent zbulues i modeleve nga Claudia Schiffer tek Kate Upton dhe karriera e saj nis fluturimin nga pasarelat tek reklamat për markat e mëdha.
Në 1999 zgjidhet nga Shoqata e Sindikalistëve Francezë (AMF) si modele e “Marianne”, simboli alegorik i Republikës së Francës.
Në të njëjtin vit prezantoi Festivalin e Sanremos, ku u kthye në 2014, në krah të Fabio Fazio. Ka pozuar për më shumë se 100 kopertina gazetash.
Mijëvjeçari i ri, megjithatë, shënon një ndryshim profesional. Casta vendos të hidhet në projekte të tjera dhe përqafon kinemanë. Ajo bën debutimin e saj të parë së bashku me Gerard Depardieu në “Astérix et Obélix contre César”. Pastaj vjen teatri me “Scene da un matrimonio” nga suedezi Ingmar Bergman dhe madje edhe regjia, me “En Moi”, një film me metrazh të shkurtër me të cilin shkon në Kanë në vitin 2016.
Në 2006 interpreton për herë të parë përkrah Stefano Accorsi, për dhjetë vite i dashuri dhe babai i fëmijëve Orlando dhe Athena (ka edhe një vajzë tjetër Sahteene, e lindur nga marrëdhënia me Stéphane Sednaoui), në filmin “La jeune fille et le loups”, të Gilles Legrand.
Pas përfundimit të dashurisë me aktorin italian Laetitia Casta nga 2015 u lidh me një tjetër aktor, francezin Louis Garrel, me të cilin është martuar në qershor 2017 në Corsica.
