Urojmë që një pjesë e skulpturave të Parthenonit t’i kthehet Greqisë, i deklaroi presidenti grek, Prokopis Pavlopulos princit britanik Charles.
Me ftesë të presidentit Pavlopulos, çifti mbretëror britanik, Charles dhe dukesha Camilla po vizitojnë Greqinë.
Është hera e dytë që çifti viziton Greqinë. Vizita e parë daton që prej vitit 1998 çka thekson marrëdhëniet speciale që Greqia ka me Anglinë.
Shpeshherë Charles e viziton Greqinë privatisht dhe ka një lidhje speciale me malin Athos dhe me manastirin e Vathopedit.
Privatisht, ai ka vizituar edhe ishujt e Jonit dhe ka një simpati të veçantë për Lefkadhën.
Babai i princit Charles, njëkohësisht bashkëshorti i mbretëreshës Elisabeth, ka lindur në ishullin e Korfuzit.
