Ndërsa New York Times shkruante për mungesë veprimi të Mike Pomeo, ndërsa Presidenti Trump grisi marrëveshjen bërthamore të Iranit, doli se Sekretari i Shtetit ishte i angazhuar për të shpëtuar tre amerikanët, të cilët mbaheshin robër në Korenë e Veriut.
Times shkruante se “në një moment kyç, kryediplomati i Trump është përsëri mijëra milje larg”.
Shkrimi i Times-it vinte në dukje se “zyrtarët e Departamentit të Shtetit ishin të pavëmendshëm të martën, kur u pyetën përse zoti Pompeo nuk e shtyu udhëtimin e tij për një ditë dhe të ishte në Uashington gjatë njoftimit të marrëveshjes me Iranin”.
Por, të mërkurën në mëngjes u bë e qartë se përse Pompeo nuk e shtyu udhëtimin e tij në Phenian.
“Unë jam i kënaqur t’ju informoj se Sekretari i Shtetit, Mike Pompeo, është në udhëtim dhe në rrugën e tij të kthimit nga Koreja e Veriut, ndodhet me 3 zotërinj të mrekullueshëm. Ata duket se janë mirë me shëndet. Sekretari Pompeo dhe ‘mysafirët’ e tij do të ulen në bazën ajrore Andrews në orën 2:00 të mëngjesit. Do të jem atje për t’i përshëndetur ata. Shumë emocionuese! ”
Historia, e shkruar nga Gardiner Harris, u përqëndrua në mungesën e diplomacisë së Trump, kur Presidenti “bëri atë që mund të ishte shpallja më e rëndësishme diplomatike e presidencës së tij” duke grisur marrëveshjen bërthamore me Iranin.
“Mungesa e z. Pompeo dhe zyrtarëve të tjerë të lartë të Departamentit të Shtetit lënë diplomatët evropianë të hutuar duke u ankuar privatisht se ata kishin probleme për të gjetur përgjigje nga Uashingtoni”, shkroi Harris.
Por, doli se mungesa e Pompeo ishte më shumë se e justifikuar dhe çdo teknologji në avionin e tij nuk e pengonte atë që të linte Phenianin me tre amerikanë që mbaheshin robër.
Tony Kim, Kim Hak Song dhe Kim Dong Chul – i janë mirënjohës që Pompeo nuk e shtyu udhëtimin e tij për të kënaqur diplomatët europianë
Përveç shpëtimit të tre amerikanëve, Pompeo gjithashtu ndihmoi të caktojë një datë dhe vend për takimin e Trump me Kim Jong Un, sipas Trump.
