Dy oficerë policie janë proceduar penalisht lidhur me dhunën e ushtruar ndaj një 34 vjeçari në ambientet e komisariatit të policisë së Korçës.
ShCBA ka nisur procedim për inspektorin e zonës Kosta Stojani dhe inspektorin e rendit Julian Dervishaj.
Gjithashtu janë marrë deklarimet e 34 vjeçarit Mariglen Muka, dhe disa efektivëve të Komisariatit të Korçës.
Muka deklaroi se u dhunua nga efektivi Dervishaj, ne prezence te kolegut Stojani, por ky i fundit as e ka goditur, as është përpjekur të ndërpresë aktin e dhunës.
34 vjeçari Mariglen Muka, prej të martës po trajtohet në repartin e kirurgjise, për shkak të dëmtimeve në kokë dhe pjesën e barkut.
Pavarësisht, procedimit të ShCBA dhe referimit të materialeve në Prokurori, dy efektivët e policisë të përfshirë në akte dhune ndaj një qytetari, vijojnë të mbeten në detyrë.
