Sonte në orën 21:00 në “Olimpico” të Romës do të luhet finalja e Kupës së Italisë mes Juventusit dhe Milanit.
“La Gazzetta dello Sport” njofton se në stadium do të jenë të pranishëm 65 mijë spektatorë.
Të gjitha biletat janë të shitura, ashtu sikurse në ndeshjen e dytë gjysmëfinale të Champions League, Roma-Liverpool.
Mediat italiane raportojnë se nga policia e Romës janë marrë masa të jashtëzakonshme, teksa është “blinduar” Olimpico”.
Gjithashtu nuk do të lejohet përdorimi i alkoolit nga ana e tifozëve.
Kjo është një ndeshje me rekorde shikueshmërie, pasi do të transmetohet në 40 vende të botës.
Në stadium do të jenë të pranishëm 400 gazetarë, të cilët do të monitorojnë këtë “duel”.
