Tirana duket se do të nis një kalvar të gjatë dënimesh. Burime pranë FSHF bëjnë me dije se Tiranës i janë hequr 3 pikë për shkak të gjyqit të humbur me Muzakën, raporton “Panorama”. Këto pikë do të zbriten nga klasifikimi aktual i Kategorisë së parë, grupi B. Këtë kategori Tirana e kryeson me 42 pikë dhe ndjekësi më i afërt është Bylisi me 29 pikë.
Deri në këtë pikë Tirana nuk rrezikon. Klubit i është lënë afat rreth 2 javë kohë dhe nëse nuk e shlyen atëherë do t’i hiqen edhe 6 pikë të tjera. Këto 6 pikë do të hiqen nga sezoni i ri, dhe Tirana rrezikon ta
nis atë me minus. Nëse kjo histori vazhdon duket se gjithë pesha do të rëndojë në krah të klubit kryeqytetas dhe do të ketë mase edhe më drastike.
