Pasi më hërët gjatë ditës AKU ka bllokura një biznes në Shkodër për shkak të kushteve higjeno sanitare dhe e ka gjobitur me një shumë të madhe parash, ka shkuar edhe policia e cila pas denoncimit të bërë ka arrestuar pronarin e bizneisit.
Në prangta e policisë ka rënë, Luan Çuliqin, pronarin e biznesit në Shkodër që prodhonte dhe tregtonte jashtë kushteve higjeno-sanitare. Biznesi i 54-vjeçarit, banues në lagjen “Partizani”, është mbyllur dhe ka ai marrë një gjobë prej 2.4 milionë lekë për shkak se prodhonte e tregtonte jashtë kushteve higjeno-sanitare.
Autoriteti Kombëtar i Ushqimit ka konstatuar shkeljet gjatë inspektimit në subjektin “Çuliqi” që merrej me përpunimin, konservimin dhe ambalazhimin e fruta-perimeve. Të gjitha produket e gjetura në biznes janë bllokuar dhe do të asgjësohen.
Në njoftimin e policisë thuhet se: “Arrestimi i Luan Çuliqit u bë pasi më datë 07.05.2018 nga ana jonë janë kapur në flagrancë në vendin e quajtur Lagjja “Skënderbeg”, në punishten e një firme ku prodhoheshin produkte të ndryshme ushqimore në kundërshtim me ligjin,”.
Gjatë inspektimit u zbulua se ‘Culiqi’ tregtonte në kushte higjeno-sanitare të papërshtatshme. Gjithashtu inspektorët zbuluan se në biznes mungonte plani i vetëkontrollit HACCP, si edhe nuk funksiononte sistemi i gjurmueshmërisë.
Subjekti “Culiqi” përpos produkteve të cilat ai ishte i liçensuar për të prodhuar, ai kryente edhe procese të tjera pa liçensë si: ambalazhimi i vajit të sallatës, ullirit dhe prodhimin e majonezës.
