Lushnja është tronditur në orët e para të mëngjesit pas shpërthimit me tritol që i është vendosur një makine.
Ngjarja ka ndodhur pikërisht rreth orës 03:10 në lagjen ‘18 tetori’, ku eksplozivi ishte vendosur në mjetin tip ‘Fiat’ me targa AA411 GP, në pronësi të shtetasit 44-vjeçar Altin Ahmetaj.
Ndërkohë mësohet se nga shpërthimi në ‘Fiat’, është dëmtuar edhe një tjetër mjet që ndodhej i parkuar aty pranë, një ‘BMË’ me targa AA823TC.
Ky është rasti i dytë i vendosjes së lëndëve plasëse në Lushnjë, pasi një muaj më parë iu vendos tritol një mjeti tjetër.
Policia e Lushnjës ka ngritur grupin e punës dhe po punon për të zbardhur ngjarjen.
Njoftimi i policisë
Në datën 06.05.2018, rreth orës 03:10, në lagjen “18 Tetori”, Lushnje është djegur pjesërisht në pjesën e përparme mjeti tip “Fiat” në pronësi të shtetasit A.A, 44 vjeç, të cilin e kishte parkuar tek rrugica në afërsi të banesës.
Paraprakisht dyshohet se djegia e mjeti ka ardhur si pasojë e vendosjes së një lënde plasëse eksploziv.
Grupi hetimor po punon për sqarimin e rrethanave dhe zbardhjen e kësaj ngjarje.
