Policia italiane në Bitonto ka vënë në pranga pasditen e djeshme dy femra shqiptare, të padënuara më parë, nënë e bijë me akuzën për posedim lëndësh narkotike me qëllim shpërndarjen.
Vëmendja e policisë ishte e drejtuar edhe ndaj njerëzve që duket se nuk ishin të lidhur me dinamikën kriminale, por që besohej se u jepnin ndihmë veprimtarive të paligjshme.
Gjatë një kontrolli në shtëpinë e dy grave 44 dhe 23 vjeçe, agjentët kanë gjetur rreth 2 kg marijuanë, të fshehur brenda disa qeseve plastike.
Pas formaliteteve, të dy gratë u arrestuan dhe iu nënshtruan masës së arrestit shtëpiak, siç u vendos nga autoriteti Gjyqësor.
