Në pranga 31-vjeçari i akuzuar për vjedhje të një banese në qytetin e Elbasanit. Policia e Elbasanit pasi bëri kontrollin e banesës të personit në fjalë ka zbuluar dhe një sërë vjedhjesh të tjera që ky person kishte kryer.
Saimir Hida banues në lagjen “11 Nëntori”, Elbasan është vënë në pranga nga policia e këtij rrethi gjatë operacionit që ata ndërmorën për parandalimin e vjedhjeve, si dhe për zbardhjen dhe vënien para përgjegjësisë ligjore të autorëve të vjedhjeve të ndodhura më parë, Specialistët e Komisariatit të Policisë Elbasan kanë bërë arrestimin në flagrancë
Ky shtetas është arrestuar në flagrancë pasi ka vjedhur në lagjen “Brigada 17 Sulmuese”, banesën e shtetases A.Q., ku ka vjedhur orendi shtëpiake (një televizor, një fshesë korrenti, një sobë dhe një karrocë dore).
Nga veprimet e kryera nga Specialistët për Hetimin e Krimit në Komisariatin e Policisë Elbasan, dyshohet se ky shtetas është edhe autor i katër vjedhjeve të tjera të ndodhura më parë dhe konkretisht:
- Në lagjen “Brigada 17 Sulmuese”, Elbasan, ka vjedhur banesën e shtetases M.S, ku ka marrë rreth 1700 euro.
- Po në lagjen ” Brigada 17 Sulmuese”, ka vjedhur kasetofonin të mjetit tip “Audi” në pronësi të shtetasit S.S.
- Në lagjen “Partiazani”, Elbasan ka vjedhur me thyerje lokalin në pronësi të shtetasit A.Ç, ku ka marrë një televizor plazma dhe kasën fiskale.
- Në lagjen “Aqif Pasha”, Elbasan ka vjedhur disa matësa të ujit në një pallat.
Gjatë kontrollit në banesën e shtetasit të arrestuar, Policia gjeti dhe sekuestroi në cilësinë e provës materiale një pjesë të sendeve të vjedhura nga ky shtetas. Materialet i kaluan Prokurorisë së Rrethit Gjyqësor Elbasan për veprime të mëtejshme.
