Presidenti i Napolit Aurelio De Laurentiis është rikthyer të flasë pas muaj të tërë heshtje.
Dhe deklaratat e tij kanë habitur jo pak opinionin publik, i cili nuk kurseu të kritikojë pikërisht trajnerin e Napolit Maurizio Sarri.
“Nuk besoj se Inter-Juventus ka ndikuar te ndeshja e jonë kundër Fiorentinës. Unë besoj se ka ndikuar fakti se kemi nisur sezonin para të tjerëve për shkak të ndeshjes eliminatore të Champions League. Na ka mbaruar karburanti dhe është normale të ndodhë kur luan me të njëjtët lojtarë. Mendoj se mund të ishte bërë diçka ndryshe për të qenë gati për fazën e fundit të sezonit. Por, po luajte gjithmonë me të njëjtët…” ka thënë ai për “Il Mattino”.
Ndërsa nga ana tjetër, për çudi ka dalë në krah të Juventusit, sa i përket ndeshjes aq shumë të diskutuar me Interin javën e kaluar.
“Nuk besoj se kampionati ka humbur besueshmërinë. Atë të shtunë kanë ndodhur shumë gjëra, sepse zgjedhjet e trajnerit të Inter mund të kenë ndikuar te rezultati final. VAR nuk është përdorur në mënyrën e duhur, por unë jam një mbështetës i kësaj teknologjie” tha ai
