Duke filluar nga e Enjtja, Gjykata Kushtetuese e Shqipërisë nuk ekziston më.. Pas vendimit të KPK-së, për shkarkimin e gjyqtares Altina Xhoxhaj, Kushtetuesja ka mbetur pa anëtarë.
Vendim ka qenë i llogaritur me qëllim që vendi të ngelë pa Gjykatë Kushtetuese e njëkohësisht pa një Institucion që të vlerësojë vendimet e qeverisë së Edi Ramës.
Për këtë shqetësim ka reaguar edhe ish-kryeministri Sali Berisha, i cili e cilëson si një ‘puç kushtetuese nga narkoshteti i Edi Ramës’.
Reagimi ish-kryeministrit Sali Berisha në Facebook:
Asgjësimi i Gjykatës Kushtetuese puç anti-kushtetues i Edvin Kristaq Ramës dhe narkoshtetit të tij!
Të dashur miq, Shqipëria nga dita e djeshme nuk ka më Gjykate Kushtetuese, organi përgjegjës sipas Kushtetutës së vendit për garantimin e kësaj të fundit si dhe lirive dhe të drejtave të qytetarëve shqiptarë.
Ky është një puç i vërtet antikushtetues, vepër makabre kriminale e Edvin Kristaq Ramës, i cili pasi u bë kryegjykatës dhe kryeprokuror i Shqipërisë përdori vetingun për të rrëzuar institucionin e fundit kushtetues që nuk varej prej tij.
Sot në Shqipëri, i gjithë pushteti ekzekutiv, gjyqësor dhe legjislativ, njëlloj si në ditët më të zeza të diktaturës është në duart e një kryekrimineli që nuk njeh norma, kufij apo standarde për pushtetin e tij personal.
Përdorimi i vetingut, në sy të mbarë shqiptarëve dhe botës, jo për të reformuar pushtetin gjyqësor por për të eliminuar institucionet kushtetuese është një akt makabër për vendosjen e plotë të narkoshtetit në Shqipëri.
Duke dënuar me ashpërsinë më të madhe puçin antikushtetues të Edvin Kristaq Ramës dhe klikës së tij, ftoj qytetarët të ngrihen në lartësinë e guximit të tyre dhe te flakim sa më parë kalbësirën e tij!
