Një histori e pazakontë por edhe deri diku e pabesueshme vjen nga Gjermania, aty ku ekipi i dytë i qytetit Freudenberg, SpVg Niederndorf II, ka zbritur në fushë me 11 lojtarë të cilët mbanin të njëjtin mbiemër, Uebach.
Por nuk mbaron me kaq. Gjithashtu trajneri, rezervat dhe drejtuesit kishin të njëjtin mbiemër. Nuk bëhet fjalë për ndonjë gabim apo shaka. Në listën zyrtare të paraqitur nga ekipi figuronin 20 persona me emrin Uebach.
Një histori e çmendur kjo e Niederndorf, e cila shënon një precedent shumë kurioz në historinë e ligës gjermane dhe një nga ngjarjet më argëtuese të të gjitha kohërave.
Vlen për t’u theksuar se kjo histori e pabesueshme ka patur një fund jo të lumtur. Shkak është bërë drejtësia sportive, e cila i dha ndeshjen në tavolinë ekipit kundërshtar për shkak se 4 Uebach (nuk dihet se kush ) ishin “huazuar” nga ekipi i parë , me të cilin ata kishin luajtur tashmë gjatë fundjavës.
