Deputetja e PD Albana Vokshi, përmes një postimi në “Facebook” shprehet se ministria e Arsimit përdorë nxënësit në mënyrë të palgjshme duke u kërkuar nxënësve të dhënat personale të prindërve të tyre.
Sipas deputetes demokrate, lista për plotësimin e të dhënave është shpërndarë sotë në shkolla, ku mësuesit kujdestarë u kërkojnë nxnësve pa u dhënë arsye që të plotësohen duke vënë dhe të dhënat personale të prindërve.
vokshi, thekson se urdhëri i dhënë nga ministrja e Arsimit Lindita Niukolla është abuziv dhe jo transparent.
Postimi i plotë
MINISTRIA E ARSIMIT PËRDOR NXËNËSIT DHE NË MËNYRË TË PALIGJSHME KËRKON PA DHËNË ARSYE, TË DHËNAT PERSONALE TË PRINDËRVE
Një porosi rrufe dhe e paligjshme nga Ministria e Arsimit është shpërndarë sot pasdite në të gjitha shkollat e vendit. Kjo është tabela që mësuesit kujdestarë duhet të mbushin duke detyruar nxënësit të sjellin në shkollë: kartat e identitetit të prindërve, numrat e telefonave, adresat e e-maileve dhe të dhëna të tjera personale.
Tabela është shpërndarë me urgjencë, duke kërkuar që të mbushet brenda ditës së nesërme. Në disa raste, për shpejtësi, prindërve u është kërkuar ose t’i nisin të dhënat me sms apo edhe fotokopje e kartave të identitetit të prindërve.
E kjo, vetëm me urdhër verbal, në fshehtësi të plotë, pa dhënë asnjë arsye PSE duhen këto të dhëna.
Ky urdhër i Ministres Nikolla, është JO TRANSPARENT, I PALIGJSHËM DHE ABUZIV!!! Legjislacioni në fuqi për Mbrojtjen e të Dhënave Personale ndalon rreptësisht përdorimin apo përpunimin e tyre pa ditur qëllimin.
I kërkojmë Ministres Nikolla të japë sqarime kush ka kërkuar të dhëna që me ligj konsiderohen private dhe për cilën arsye?
U bëjmë thirrje PRINDËRVE të refuzojnë dhënien e të dhënave personale, pasi përveçse ngjan si një histori “spiunazhi”, është krejtësisht i paligjshëm dhe të dhënat e tyre rrezikojnë deri sigurinë e jetës. PRINDËRIT të refuzojnë dhënien e çdo informacioni pa marrë sqarime pasi ligji (Nr. 9887, datë 10.3.2008) përcakton qartë që prindi duhet të japë pëlqimin për përpunimin e të dhënave të veta si dhe të jetë i informuar mbi qëllimin dhe përpunuesin e të dhënave (Neni 7).
