Këngëtarja me famë botërore Rihanna ka zënë kopertinën e revistës prestigjioze “Vogue”. Ajo njihet për shijet e saj në veshje dhe ashtu sikurse mund të pritej edhe kësaj here ka goditur. Rihanna ka veshur një fustan me zinxhirë, i cili i shkon shumë për shtat.
Këngëtarja 30 vjeçare gjatë intervistës për “Vogue” ka folur për çështje të ndryshme duke përfshirë këtu edhe faktin që kohët e fundit ka shtuar shumë në peshë. E pyetur lidhur me këtë, ajo tha se i pëlqen vetja edhe kur është e dobët edhe kur është e shëndoshë.
“Ndihem komode dhe jam e sigurt me veten time”-ka theksuar ajo, pavarësisht komenteve të shumta në media lidhur me kilogramët e saj të tepër. Ajo vijoi se nuk është një nga modelet e Victoria’s Secret që duhet të ketë një peshë standarte. Rihanna tha gjithashtu se tashmë që ajo është 30 vjeç, nisin të vijnë mendime të ndryshme në mendje, si për shembull të sjellësh në jetë një fëmijë, gjë të cilën këngëtarja e quajti me shumë rëndësi por pa thënë se kur ka në plan për t’u bërë nënë apo nëse duhet të ngrijë vezët.
Rihanna foli edhe për marrëdhëniet e saj të dashurisë, për të cilën tha se gjërat janë më ndryshe në krahasim me çdo marrëdhënie tjetër të saj. Megjithatë ajo nuk e ka përmendur me emër të dashurin e saj miliarder, por tha se ai e ka bërë që t’i kushtojë më shumë kohë jetës private.
