Kreu i grupit parlamentar të PD-së, Edmond Spaho ka reaguar lidhur me fushatën 2 mujore të llogaridhënies që qeveria “Rama” ka ndërrmarrë, e cila nisi sot me dy takimet e para në kryeqytet. Spaho e quan një farsë dhe se kryeministri Edi Rama është duke përdorur qytetarët, pasi ata i duhen vetëm për vota, ndërsa shërbimin ja ofron oligarkëvë.
“Rama filloi sot turin e “llogaridhënies publike”. Një farse e vërtetë!!! Mjaft ti referohesh gjuhës me të cilën foli sot dhe kupton që e sheh vehten si në vitin 2013 dhe jo që qeveris prej pesë vitesh. Rama qytetarët i përdor për shoë, llogaritë e vërteta i jep të krimi. Qytetarët i do për vota, shërbimin e ka për oligarkët. Qytetaret i do te paguajnë taksa për t’ja dhënë më pas miqve dhe financuesve te tij. Drogë, krim, korrupsion dhe 0 premtime të mbajtura është bilanci 5 vjeçar i Edi Ramës”.
Lidhur me Vettingun, që kreu i qeverisë e cilëson si një ndër objektivat e përmbushura të qeverisë së tij dhe një rol të rëndësishëm, e kanë luajtur dhe qytetarët të cilët i kanë besuar votën, Spaho thotë se drejtësia e vetme e kryeministrit është të mbrojë Tahirin, Ahmetajn, Dakon dhe të ndëshkojë kuksianët që nuk paguajnë dot taksën e Rrugës së Kombit.
“Vettingu?! Aq shumë e do Rama sa Prokuroren e Përgjithshme e zgjodhi pa Vetting. Drejtësia e Edi Ramës është mbrojtje për Tahirin, Beqajn, Gjiknurin , Ahmetajn, Dakon, Sejdinin dhe veten e tij dhe ndëshkim politik për kukesianët qe nuk paguajnë dot taksen korruptive të Rrugës së Kombit.
Sa do të përpiqesh Edi Rama nuk i hedh dot me hi syve qytetareve. Protesta në Kukës, ato te biznesit të vogël, protesta e artisteve, protestat kundër inseneratorëve, ato të naftëtarëve tregojnë që durimi i qytetarëve ka sosur dhe fundi yt po vjen me shpejtësi”, shkruan Spaho në një status në rrjetin social Facebook.
