Ish-kryeministri Sali Berisha ka denocuar rastet e punës së rëndë në ndërtim dhe shfrytëzimi i punëtorëve të krahut për vetëm 30 mijë lekë në muaj. Më poshtë postimi i plotë i denocimit të Berishës, nga një qytetar që shprehet se punon në ndërtim dhe shprehet se nuk i njihen as ditët e pushimit, as pagesat shtesë dhe as raportet mjekësore.
“I nderuar doktor. Dua te denoncoj faktin se po punojme si qeni ne ndertim dhe nuk na njohin as ditet e pushimit as oret shtese as raporte asgje. Vijne inspektoret e punes per kontroll, marrin leket dhe nuk shenojne asgje ne pricesverbal qe na gjejne duke punuar dite pushimi, dite festa zyrtare dhe as qe e verifikojne qe nuk paguhemi fare.
Pronaret na kercenojne se po nuk punuam ne dite pushimi dhe jashte orarit pa pagese na heqin nga puna. Turp me keto firmat e ndertimit doktor po na skllaverojne duke shfrytezuar gjendjen tone ekonomike se e di e qe nuk kemi ku te shkojme. Na mbajne te lidhur tek buka e gojes dhe apartamentet i shesin nga 1200 euro/m2.
Beje problem te lutem mbase degjon njeri dhe ata ispektoret e punes mos vine vetem per te marre kafen e tyre dhe te ikin sikur nuk shikojne asgje. Ja kjo eshte puna ketu ne shqiperi qe thone ka pune plot. Per 30,000 mije leke te vjetera na marrin jeten, jane te lumtur te te mbajne ne pune 24 ore dhe mundesisht me koke poshte. Kjo eshte skllaveria qe e lejon shteti pa ligje e rregulla dhe qe del e ben vetem propagande ne tv. Te rujt zot ishalla se vetem tek ty kemi shprese se mund ta ngresh zerin. Anonim te lutem!”
