Vetëm pak ditë më parë Gjykata e Krimeve të Rënda vendosi për zgjatjen e hetimeve ndaj ish-ministrit të Brendshëm Simir Tahirit, kanë marrë në pyetje dhe njerëz të tjerë të cilët kanë qenë afër Tahirit.
Sipas Tv Klan, Prokuroria e Krimeve të Rënda ka pyetur lidhur më këtë çështje për tre orë ish-truprojën e ish-ministrit.
Elvis Rexha ka dhënë sqarime në zyrën e prokurorin Dritan Prençi në lidhje me hetimet që po kryhen me dosjen Tahiri-Habilaj. Rexha është pyetur për disa lëvizje që Tahiri ka kryer jashtë vendit, kryesisht në Greqi dhe Itali vende nga ku Prokuroria ka kërkuar informacione.
Në kuadrin e hetimit ndaj Tahirit, ish-trupëroja është pyetur dhe për njohjet që mund të ketë me personat e tjerë të përfshirë në këtë hetim.
Po këtë të hënë në Prokurori janë marrë në pyetje edhe disa banorë të fshatit Gjorm të Vlorës, nga ku ka origjinën Nezar Seiti, i konsideruar një nga njerëzit kryesore të klanit Habilaj.
Mes të pyeturve ka edhe të afërm të Seitit, i cili është ekstraduar në Itali për lidhjet e tij me bandën e Habilajve
