Të paktën 25 persona kanë vdekur, midis tyre edhe 5 gazetarë gjatë dy shpërthimeve të njëpasnjëshme në kryeqytetin afgan Kabul.
Shpërthimet ndodhën mëngjesin e së hënës sipas zyrtarëve të qeverisë, raporton CNN.
Shpërthimi i parë ndodhi rreth orës 08:00, në orën lokale në zonën Shashdarak të qytetit, ku ndodhen ambasada e SHBA dhe ndërtesat e qeverisë afgane, duke nxitur që gazetarët të vraponin në vendin e ngjarjes.
Shpëthimi i dytë ndodhi po në të njëjtin vend. Një sulmues i maskuar si kameraman, shpërtheu ekplozivë në vendin e shpërthimit fillestar, tha zëdhënësi i Policisë së Kabulit Hashmat Stanikzai për CNN.
Pesë gazetarë nga media të ndryshme vdiqën në sulmi, sipas Najib Sharifi, drejtor i Komitetit të Sigurisë Gazetarëve të Afganistanit.
Agjencia franceze e lajmeve Agence France Presse konfirmoi se fotografja e saj Shah Marai ishte midis të vdekurve.
Reth 45 persona kanë mbetuer të plagosur në dy incidentet dhe janë dërguar në spitalin e qytetit.
Vendi i shpërthimit ishte afër selisë afgane të NATO-s, ambasadës amerikane dhe ndërtesave të qeverisë afgane, duke përfshirë pallatin presidencial, Ministrinë e Mbrojtjes dhe selinë e shërbimeve të inteligjencës në Afganistan.
