Të shumtë janë talentet shqiptar që luajnë me klube të rëndësishme Europiane dhe kanë një të ardhme tepër premtuese. Një ndër ta është dhe Meritan Shabani.19-vjeçari nga Kosova, i cili është pjesë e moshave të Bajernit, është thirrur në ekipin e parë nga trajneri Jup Hejnkes për ndeshjen ndaj Entraktit të Frankfurtit.
Trajneri i bavarezve i surprizoi të gjithë, teksa vendosi ta hedhë talentin shqiptar në formacionin titullar. Shabani qëndroi në fushën e lojës për 56 minutash, duke bërë një paraqitje të kënaqshme, ndërsa më pas u zëvendësua nga mesfushori Tiago Alkantara.
Bajernit është duke udhëhequr ndaj Frankfurtit me rezultatin 2-0. Goli i parë u shënua nga i riu Dorsh në minutën e 43-të. Ndërsa në minutën e 76-të, kampionë dyfishuan shifrat me Vagner. Kjo ishte hera e parë që Shabani aktivizohej si titullar me fanellën e bavarezëve në një ndeshje kampionati.