Një motor ka shpërthyer në flakë pasi është përplasur me një mikrobuz turistësh. Ngjarja ka ndodhur mëngjesin e sotëm rreth orës 9, në autostradën Lushnje- Rrogozhinë, pranë fshatit Zhamë.
Sipas policisë, të plagosurit janë Mariglen Buzhani 26 vjeç dhe Çelefte Zerani 19 vjeçe.
Dy të plagosurit janë duke marre mjekim në spitalin e Lushnjës dhe ndodhen jashtë rrezikut për jetën.
Shkak i këtij aksidenti ka qenë humbja e kontrollit të motorit nga drejtuesi i tij 26 vjeçar.
Motori i ka rënë nga prapa mikrobusit i cili ishte me turistë dhe po udhëtonte drejt Beratit.
Pas goditjes motori ka rënë në toke dhe ka shpërthyer në flakë duke u djegur tërësisht.
Menjëherë ne vënd ngjarje ka shkuar zjarrfikësja e cila bëri të mundur fikjen e zjarrit.
Pas aksidentit për disa minuta u blllokua qarkullimi i automjeteve në autostradë, dhe pas pastrimit të zonës nga mjeti zjarrfikës qarkullimi u kthye ne normalitet.
