Ish-kryeministri Sali Berisha, në një intervistë në emisionin “Kjo javë” në News24, ka folur për hapjen e negociatave.
Berisha deklaroi se me Ramën nuk mund të bëhen dot hapa para, por vetëm hapa prapa. Berisha tha se Saimir Tahiri është pengesa kryesore e negociatave.
Pjesë nga intervista
A duhet të hap Shqipëria negociatat?
Për sa u përket kritereve është shumë larg atyre që duhet të ishte. Çfarë ka ndodh pas rekomandimit? Shume vend e kanë marrë raportet të vitit 2013 e 2015 dhe kanë vënë re mungesën e procesit. Nuk ka ndodhur ndonjë herë që prokuroria të kërkoj arrestimin e një deputeti, por të ndalohet nga Parlamenti. Nuk është çështja personale e Samir Tahirit, por është një pengesë për negociatat. Rama në Berlin ka shkuar me rekorde të zeza që nuk kishin ndodhur ndonjëherë, Por ai shkoi dhe me platformën e luftës së ftohtë. Ai përdori dhe mediat rreth tij për të sulmuar një deputet të Bundestagut. Ata nuk kishin gjë me Shqipërinë, por nuk mund të pranojnë platformën e luftës së ftohtë, ata thanë që çfarë duan këta tek ne ata janë ajkomë me psikologjinë e luftës së ftohtë. Vet deklarata e Merkel nuk le vend për ekuivoke.
Si e patë pritjen e kryeministrit Rama në Gjermani dhe problemet me Krichbaun?
Ne pamë një Bundestag në funksion të plotë, e pritën që tek dera e jashtë, pavarësisht se ai e kishte sharë dhe e kishte fyer. Aty ndodhu një gjë e tmerrshme, por që ja bërë vetes. Mediat që mbahen gjithë ditën me kockat e Edi Ramës, sulmuan deputetin gjerman, por ky tha se janë të lira, edhe pse më parë kishte kërkuar falje dhe mirë kishte bërë. E pyetën se si ka mundësi që një njëri që është akuzuar nga Prokuroria, nuk lejohet të arrestohet. U tregoi gjermanëve se është skllav i Saimir Tahirirn.
Pse skllav?
E ka për dosjen e Xibrakës, për kanabizimin e Shqipërisë, dhe për Mark Frrokun.
Kjo është arsyeja se dhe Tahiri përmendi disa mesazhe disa ditë më parë?
Ato deklarata janë mesazhe që dërgohen në zarf njëri tjetrin.
Çfarë duhet të bëj Shqipëria për të bindur të huajt në këto dy muaj?
Absolutisht që me Ramën ka vetëm hapa prapa, nuk mundet Rama që të përballet me bandat që i udhëheq vet. Nuk mund të përballet dot me Simir Tahirin, se ai e çmonton për 10 minuta.
Por arrestim i Llallës?
Përpjekja për të arrestuat Llallën dhe për ta shkëmbyer me Tahirin, nuk ishte gjë tjetër vetëm hedhje hi syve. Kjo ishte ajo që bëri Rama kur u bë kryeprokuror.
A është opozita bllokuese në këtë proces?
Në asnjë mënyrë, opozita ka bërë çdo gjë që është e mundur, për të ecur ky proces. Opozita ka luftuar kriminelët në Kuvend dhe shpëtoi gjithë Kuvendin. Opozita ka lobuar, dhe kurrë nuk ka mashtruar./panorama/