Duket se ngjarja e ndodhur dy ditë më parë në Kamëz, ku mbeti i vrarë 52-vjeçari Agim Buci dhe u plagos bashkëshortja e tij, teksa në marketin e tyre mësynë grabitësit po shkon drejt zbardhjes.
Boldnews.al mësoi sot janë ndaluar dy prej autorëve të dyshuar, të cilët kishin karakteristikat e grabitësve që shfaqen në kamerat e sigurisë, ndërsa tashmë ka zbardhur dëshminë e njërit prej tyre.
Të ndaluarit i përkasin moshës 25 dhe 28 vjeç, ndërsa dyshohet se janë banorë të zonës.
Boldnews.al mëson se një nga të ndaluarit ka pranuar se ka qenë autor i grabitjes, madje ka treguar dhe vendin ku gjendet pistoleta. Menjëherë pas kësaj deklarate, policia po kërkon në zonën e pohuar nga i ndaluari.
“Pistoletën e kishim për të trembur ata të dyqanit, që të na jepnin lekët. Nuk donim të vrisnim asnjë njeri, por patëm frikë se na kapi dhe qëlluam”, – ka qenë dëshmia e një prej të ndaluarve.
