Policia në Belgjikë, ka përfunduar një operacion të madh, ku në fund të tij janë arrestuar 31 persona që ishin në kërkim prej kohësh.
Sipas mediave në Belgjikë mësohet se në hetime janë përfshirë shumë struktura të Policisë dhe të Prokurorisë, por dhe struktura të Luksemburgut.
Mediat belge bëjnë me dije se nga e diela deri të enjten natën, janë përfshirë jo më pak se 290 policë dhe shumë shërbime u mobilizuan për të kryer këtë ndërhyrje që është pjesë e dosjes për organizimin e krimit, trafikun e drogës, biletat e rreme të trafikut, prostitucionin, mashtrimin doganor dhe pastrimin e parave.
Policia pas operacionit ka deklaruar se me këta perona ka qenë e lidhur dhe mafia shqiptare, e cila kishte plantacione me kanabis.
“Një krijim i ndërlikuar i kompanive guaksë dha mundësinë e organizimit të familjes të përfshirë në tregti të ndryshme për të fshehur aktivitete kriminale dhe kriminale, për të pastruar paratë dhe për të fituar të ardhura të konsiderueshme”, komentoi prokurori i mbretit Christian Henry.
Lidhjet e vendasve në disa aspekte të hetimit, janë përcaktuar qartë me klanet e mafies shqiptare në lidhje me plantacione kanabisi dhe mafien italiane për falsifikimin e parave, raporton media belge “Dhnet”.
Nga 31 personat e arrestuar (identitetet nuk bëhen me dije nga mediat belge), 11 u vunë nën arrest, pesë nga të cilët anëtarët e të njëjtës familje nga Tournai, të tjerë u liruan me kusht ose u proceduan në gjendje të lirë. “Ne kemi shkatërruar shtatë plantacione kanabis, 25 kilogramë kanabis janë zbuluar dhe shkatërruar, tre bare në rajonin Tournai janë mbyllur dhe më shumë se 35.000 euro janë konfiskuar”, tha një zyrtar i policisë belge.
Gjithashtu, janë sekuestruar pesë automjeteve, armë zjarri, dokumente dhe llogari të shumta në lidhje me kompanitë e dyshimta, “smartphone”, tableta dhe kompjutera që mbeten për t’u analizuar dhe materiale që përdoren për mbjelljen e kanabisit.
