Është dashur ndërhyrja e policisë për të parandaluar përshkallëzimin e mëtejshëm të një konflikti me armë në familje.
Uniformat blu kanë bërë të ditur se në banesën e shtetasit Ari Hoxha, i cili nuk është një emër i panjohur për policinë ka shkuar shtetasi B.O, me qëllim sqarimin e një konflikti midis shtetasit Ari Hoxha dhe bashkëjetueses së tij, shtetases E.N.
Shtetasit e mësipërm kanë debatuar me njëri-tjetrin dhe brenda në banesë 41-vjeçari me iniciale B.O ka kanosur duke qëlluar një herë me armë zjarri, por është larguar, sapo ka parë policinë.
Ndërkohë që 30-vjeçari është vënë në pranga, ndërsa është shpallur në kërkim kushëriri i bashkëjetueses së Hoxhës.
Njoftimi i policisë
Policia e Komisariatit Mat ka marrë informacion, se në një banesë në fshatin Gurrë Klos, po ndodhte një konflikt në familje. Menjëherë është ngritur grupi hetimor duke shkuar në vendin e ngjarjes, ku nga veprimet e kryera ka rezultuar se: Në banesën e shtetasit Ari Hoxha, ka shkuar shtetasi B.O, me qëllim sqarimin e një konflikti midis shtetasit Ari Hoxha dhe bashkëjetueses së tij, shtetases E.N.
Shtetasit e mësipërm kanë debatuar me njëri-tjetrin dhe brenda në banesë shtetasi B.O, ka kanosur duke qëlluar një herë me armë zjarri, dhe është larguar, sapo ka parë policinë. Nga të shtënat nuk ka persona të lënduar. Në vendin e ngjarjes është sekuestruar një gëzhojë. Në përfundim të veprimeve të para hetimore nga Specialistët për Hetimin e Krimit në Komisariatin e Policisë Mat, u arrestua në flagrancë shtetasi:
Ari Hoxha, 30 vjeç, banues në fshatin Mishter, Klos, (i dënuar më parë), pasi në banesë ka ushtruar dhunë fizike dhe psikologjike ndaj bashkëjetueses së tij E.N, 16 vjeçe. Vepra penale “Dhunë në familje”.
Ndërsa shtetasi B.O, 41 vjeç, banues në Laç, i afërm i shtetases E.N është shpallur në kërkim dhe po punohet për kapjen e tij. Veprat penale “Mbajtje pa leje dhe prodhim i armëve”
“Kanosje”. Materialet i kaluan Prokurorisë Rrethit Gjyqësor Mat, për veprime të mëtejshme.
