Një ngjarje e rëndë ka ndodhur në Elbasan, ku një automjet i cili ka qenë i parkuar është shkrumbuar pak pas mesnate në Elbasan.
Uniformat blu të Elbasanit kanë bërë të ditur se një automjet luksoz tip “Audi Q-7” me targë TR 6464 M, në pronësi të shtetasit Agron Balukaj 46 vjeç, banues në lagjen “Çlirimi” është djegur rreth orës 01:30 dhe dyshimet e para janë për një zjarr të qëllimshëm.
“Grupi hetimor po punon për identifikimin dhe kapjen e autorit, pasi zjarri dyshohet i qëllimshëm”, – njofton policia.
Materialet do ti kalojnë Prokurorinë pranë Gjykatës së Shkallës Parë Elbasan për veprën penale “Shkatërrim i pronës me zjarr”.