Një gjendje misterioze ka lënë një 23-vjeçar të ‘bllokuar’ brenda trupit të një fëmije në Indi. Djali shihet nga vendasit si një mishërim i Perëndisë.
Manpreet Singh, i quajtur ‘njeri me përmasa të vogla’ nga fqinjët e tij në Hisar, peshon vetëm 4.9 kg pavarësisht se ka lindur në vitin 1995.
Megjithëse ishte i shëndetshëm kur lindi, rritja e tij ndaloi përpara se filloi të ecte apo fliste.
Tani ai kërkon kujdes si foshnje dhe xhaxhai e halla e tij e mbajnë në krahë kudo.
Familja e 23-vjeçarit nuk është në gjendje të shpjegojë përse rritja e tij u ndal ndërsa mjekët vendas thanë se mund të ketë një çekuilibër hormonesh.
Shkencëtarët mendojnë se Manpreet mund të ketë Sindromin Laron, një gjendje e rrallë gjenetike.
Njerëzit që vuajnë nga sëmundja Laron i mungon një hormon i quajtur Faktori 1 i rritjes së insulinës, ose IGF-1, i cili stimulon qelizat të rriten dhe të ndahen për të formuar qeliza të reja.
Një e treta e atyre që vuajnë jetojnë në fshatra të largëta në provincën jugore të Ekuadorit, Loja.
Manpreet ka një motër, Jaspreet që sapo ka mbushur 17 vjeç dhe një vëlla Mangaldeep. Të dy prej tyre janë zhvilluar fizikisht dhe mendërisht.
Në pamundësi për tu kujdesur për foshnjen e tyre të rritur, familja e dërgoi atë nën kujdesin e xhaxhait dhe hallës së tij.
Vendasit e konsiderojnë atë një mishërim të Perëndisë.
Manpreet ëshët në gjendje të thotë vetëm disa fjalë dhe kryesisht komunikon me anë të gjesteve. Ai mund të qeshë, të qajë apo bërtasë por nuk mund të zhvillojë bisedë.
Xhaxhai dhe halla kujdesën për të si të ishte djali i tyre.
