Kur duhen edhe 47 ditë nga fillimi i Botërorit një tjetër futbollist mësohet se nuk do të jetë pjesë e evenimentit më të madh futbollistik.
Më herët është raportuar se Emre Can, futbollisti turko-gjerman i Liverpool, do ta ketë të pamundur të marrë pjesë në Botëror, ndërsa momentalisht në diskutim janë edhe emra si Neymar e Aguerro, të cilët po garojnë me kohën për t’u riaftësiuar.
Sot konfirmohet një tjetër lajm i hidhur për një tjetër futbollist të Liverpool, por ndryshe nga rast i parë ai luan për kombëtaren e Anglisë.
Bëhet fjalë për mesfushorin Alex Oxlande-Chamberlain. 24-vjeçari pësoi një dëmtim në minutën e 15-të të takimit kundër Romës në “Champions League”, pas një dyluftimi që pati me serbin Kolarov.
Oxlande-Chamberlain ka zhvilluar një vizitë të specializuar të mërkurën në mesditë, përgjigjet e së cilës konfirmojnë atë që stafi mjekësor i druhej më shumë, dëmtimin e ligamentit. Me shumë gjasa 24-vjeçari do t’i nënshtrohet ndërhyrjes kirurgjikale shumë shpejt.
Ndërkohë futbollisti ka komunikuar edhe me trajnerin e ekipit kombëtar të Anglisë, Gareth Sourhgate, të cilin e ka informuar për gradën e dëmtimit.
