Të shtëna me armë zjarri kanë tronditur këtë të mërkurë Tiranën. Ngjarja ka ndodhur mbrëmjen e sotme në Kamëz.
Nga të dhënat e para mësohet se në rrugën “OSBE”, ka pasur të shtëna me armë zjarri.
Të dhënat e para flasin për dy persona të plagosur. Burime nga vendi i ngjarjes bëjnë me dije se të plagosur kanë mbetur një burrë dhe një grua.
Po të njëjtat burime sqarojnë se ngjarja e rëndë ka ndodhur gjatë një grabitje, ku persona ende të paidentifikuar kanë kanë hyrë në banesën e tyre dhe kanë qëlluar ndaj burrit dhe gruas, emri i të cilëve nuk dihet ende.
Të plagosurit janë transportuar në spital me urgjencë, nuk dihet gjendja e tyre.
Deri më tani nuk ka ende një njoftim zyrtar nga policia, teksa në vendin e ngjarjes kanë mbërritur forca të shumta policie, që kanë nisur punën për zbardhjen e ngjarjes.