Raporti/ Banka e Shqipërisë “iu nxjerr bojën” pallateve të Lali Erit

Nga Boldnews.al

Kryebashkiaku i Tiranës, Erion Veliaj, ka thyer prej kohësh premtimin e tij elektoral se do të minimizonte lejet e ndërtimit në kryeqytet. Në çdo cep të Tiranës, përfshirë edhe qendrën e qytetit, po ngrihen kulla dhe komplekse ndërtimi, ndërkohë që shqiptarët nuk kanë mundësi dhe nuk preferojnë të blejnë pasuri të patundshme.

Loading...

Sipas kryebashkiakut, Tirana ka nevojë për 6-7 mijë apartamente në vit. I ftuar në emisionin “Real Story” në Vizion Plus, ai deklaroi se çdo vit në kryeqytet vijnë 25-30 mijë qytetarë që ë bën të domosdoshme dhe zhvillimin e qytetit.

Por, ky deklarim i kryebashkiakut shkon në të kundërt të asaj që thonë shifrat zyrtare. Banka e Shqipërisë në raportin “Vrojtimi i bizneseve”, konstaton se ka vijon të ulet treguesi i besimit në sektorin e ndërtimit. Më thjeshtë, qytetarët nuk e shohin si investim të mirë shpenzimin e parave në blerje pasurish të paluajtshme. Banka konstaton se ka një ulje të ndjeshme të numrit të kontratave të porosisë për blerje apartamentesh.

LEXO EDHE  Endri Fuga shet vilën 3-katëshe, preferon rezidencë për banim

Pra, në Tiranë, por edhe në të gjithë Shqipërinë konstatohet një situatë absurde; ndërtimet vijojnë me intensitet, por fuqia blerëse është e ulët dhe kërkesat për ndërtime janë gjithnjë në zbritje. Situata bëhet akoma më e vështirë për sektorin e ndërtimit, pasi pritshmëria e Bankës së Shqipërisë është që në vijim, të ulet ndjeshëm edhe punësimi në këtë degë të ekonomisë.

Institucioni më i rëndësishëm bankar në vend nuk jep asnjë koment mbi këto gjetje. Por, të dhënat e prezantuara prej tij krijojnë dyshime për rritjen e një ekonomie informale, me bazë tregun e ndërtimit. Pikërisht, në atë sektor ku “oligarkët” e kryeministrit Edi Rama dhe “pinjollit” të tij në Bashkinë e Tiranës po investojnë pjesën më të madhe të parave të tyre.

 

 

 

Loading...
Loading...

PËRGJIGJU

Please enter your comment!
Please enter your name here