Auron Tare zgjidhet Kryetar i Këshillit Shkencor dhe Teknik të Pasurive Botërore Nënujore në Unesco. Një pozicion i rëndësishëm, që për herë të parë mbahet nga një shqiptar.
Vendimi u morr në Selinë e Unesco-s në Paris, në sesionin e rradhës së vendeve anëtare të Konventës së 2001 mbi Pasurinë Kulturore Nënujore Botërore, ku u zhvillua mbledhja e Këshillit Shkencor dhe teknik të kësaj Konvente.
Me propozimin e përfaqësuesit të Argjentinës, mbështetur nga Franca dhe Meksika, Këshilli Shkencor dhe Teknik i Pasurive Botërore Nënujore të Unesco-s votoi Auron Tare si Kryetar të këtij organizmi të rëndësishëm.
Votimi ishte unanim, pa asnjë vote kundër, në prani edhe të Sekretariatit të Unesco, si dhe të dhe Drejtores së Përgjithshme të Pasurive Botërore të Unesco-s.
Ky pozicion i lartë 4 -vjecar mbahet për herë të parë nga një shqiptar dhe vjen si angazhim i gjatë i zotit Tare në kërkimet dhe zbulimet e anijeve të mbytura historike.
“Ky vlerësim i lartë i dedikohet të gjithë atyre ekspertëve apo dashamirësve në Shqipëri, që luftojnë për mbrojtjen e trashëgimnisë kulturore”, u shpreh Tare./ekonomix/
