Luleshtrydhe me majë, të tejzgjatura, ashtu siç shihen në treg edhe të mëdha gati sa mollat, të bukura e të kuqe, sikurë janë lyej me bojë… Fiks, të tejngopura me pesticite e hormone. Fatkeqësisht, edhe këto të pakontrolluara…
Në adresë të AlertNews.al ka mbërritur një denoncim nga një banore e Durrësit, sipas të cilës, në një minimarket përballë shkollës “Adem Reka” shiten luleshrydhe me formë të çuditshme (foto). Denoncuesja shpreh shqetësimin e pasigurisë për konsum.
Foto e luleshtrydheve me formë te çuditshme, e ardhur nga denoncuesja nga Durresi.
“Merrni masa se na morët në qafë”, thotë denoncuesja, ndërkohë që fotografinë e luleshtrydheve me formë të çdutshme e ka bërë nga shtëpia. Pra, pak para se t’i konsumojë.
Dy janë problemet që po rrezikojnë konsumatorin shqiptar. E para, Drejtoritë e Bujqësive, tashmë të shkrira me VKM, por që janë ende në këmbë sa të “sistemohen”, e kanë lëshuar terrenin. Shërbimet e ekstensionit (këshillimit), në një situatë ku çdo i punësuar dhe specialist nuk e di se ç’fat e pret, nuk e marrin mundimin të shkojnë nëpër sera, të kontrollojnë apo këshillojnë fermerët.
Ndërsa problem i dytë është vetë konsumatori, i cili në mënyrë të habitshme kërkon mandarina në korrik dhe shalqi në dhjetor. Në këto kushte, kur nuk është i orientuar drejt prodhimeve të stinës, padyshim do konsumojë luleshtrydhe të rritura në sera, në temperature të ulëta, port ë pjekura e skuqura me hormone e pesticide, në të gjitha rastet, të pakontrolluara në asnjë prej hallkave të zinxhirit të sigurisë ushqimore.
