I ftuar në emisionin Rubrika Sportive, ish-futbollisti i Kombëtares, Rudi Vata, flet për futbollin shqiptar në përgjithësi, por edhe për çështje të tjera të kampionatit.
“Në Shqipëri, kemi një treg të varfër për sa i përket futbollistëve, dhe nuk kërkohen në tregun europian. Nëse talentet këtu mbushin 20-vjeç dhe luajnë ende këtu, kjo nuk është diçka e mirë. Ata duhet të largohen këtu para moshës 20-vjeç. Nuk shoh ndonjë lëvizje të bujshme, përveç rastit të Abazajt.”
Çështja e Skënderbeut në UEFA…
Unë jam me futbollin e pastër, dhe me sportistë të shëndetshëm. Nëse ke të drejtën të luash në një institucion të tillë, atëherë edhe mund të monitorohesh. Tek Skënderbeu ka ekzistuar diçka jo serioze. Duke parë këtë fakt, ata janë angazhuar për të luajtur këtë fenomen. Unë shpresoj që të ketë një ulje të dënimit, por besoj se do ketë një dënim.”
