Prokuroria e Përgjithshme ka publikuar raportin Vjetor të vitit 2017 për punën e kryer në të gjithë institucionet e akuzës në vend.Ajo që vihet re është se në vitin 2017 ka patur një rritje prej 69,6 % të numrit të procedimeve të regjistruara për veprat penale të korrupsionit, në krahasim me vitin 2016. Konstatohet lehtësisht se është rritur numri i veprës penale të vjedhjeve, ndërsa ato që kanë njohur ulje janë vjedhja e energjisë elektrike. 39% e procedimeve janë për narkotikët, 11% për korrupsion dhe 24% e procedimeve për krimet kundër personit. Përsa i përket qyteteve, Vlora dhe Gjirokastra janë në krye për kriminalitetin në raport me popullsinë.
Pjesë nga Raporti
Janë ndjekur gjithsej 40 911 procedime penale
39 % narkotikët
24 % krimet kundër personit
11 % korrupsioni
Në vitin 2017 numrin më të madh të procedimeve e ka regjistruar prokuroria;
- Tiranë me 32,63 %
- Durrës që ka regjistruar 7,70 %
- Vlorë 7,40 % të numrit total të procedimeve të regjistruara,
- Elbasan që ka regjistruar 7,23 %
- Shkodër që ka regjistruar 6,32 % etj…
Vepra penale me rritje
Rritje prej 40,7 % të numrit të procedimeve të regjistruara për grup veprat e falsifikimit të dokumenteve.
Ka një rritje prej 27 % të numrit të procedimeve të regjistruara për vepra penale që lidhen me pastrimin e produkteve të veprës penale
Mashtrimet me 18 %
Rritje të lehtë prej 0,27 % të numrit të procedimeve të regjistruara për “Vepra penale kundër fëmijëve, martesës dhe familjes”
Vjedhja rritje me 3 %
Vepra penale me ulje
“Vjedhja e energjisë elektrike ose impulseve telefonike” i Kodit Penal, ka një ulje prej 37,9%. Në vitin 2017 ka një ulje prej 14,8 % të numrit të procedimeve të regjistruara për “Krime kundër jetës të kryera me dashje” 98,6 % e tyre janë meshkuj (nga të cilët 7 % janë të mitur) dhe vetëm 1,4 % janë femra (ndër të cilat nuk rezultojnë të mitura). Ka ulje prej 6,4 % të numrit të procedimeve të regjistruara për krime seksuale
